專業拍攝團隊

多謝專業拍攝團隊，你哋真係我婚禮不可或缺嘅重要夥伴！

首先要特別多謝負責協調安排嘅 Ken！🤝 當初我哋對婚禮流程同攝影套餐有好多疑問，呀Ken 好有耐心咁聽我哋嘅諗法，完全冇 hard sell，真係好似朋友咁，從我哋嘅實際需要同預算出發，幫我哋分析同安排最合適嘅 package。成個過程好舒服，令我哋覺得好有安全感，好多細節都幫我哋諗得好周到，真係好感激你！

💄 化妝師 Nataly，你嘅手勢好輕柔，個妝化得好清透自然，完全係我鍾意嘅感覺，而且好貼服，由朝早到夜晚都保持得好好，轉look嘅時候，整頭補妝幫埋我換衫都好快搞掂，令我全日都充滿自信。🥰 更重要嘅係，你好好人，好細心，可以傾住偈咁化妝，幫到我化解big day嘅緊張😂你嘅照顧令我成個過程都可以好放鬆、好享受。

📸 攝影師 Hong，好多謝你幫我哋捕捉咗咁多自然又溫暖嘅瞬間。我同老公都唔係好習慣對住鏡頭，起初有啲緊張。但你好好耐性，好識得引導我哋擺姿勢，又會講笑話氹我哋笑，令我哋好快就可以放鬆落嚟，流露出最真實嘅笑容。😄 當我哋收到相嘅時候，真係好驚喜！你捕捉到嘅唔單止係影像，仲有嗰一刻嘅感情同氛圍，好多朋友睇完都話好感動、好有感覺，真係好多謝你！

🎥 錄影師 Pui，你係一個好安靜嘅記錄者，多謝你默默咁捕捉咗好多珍貴嘅細節。👀 由我哋朝早準備時嘅小小緊張，到爸爸媽媽睇住我出門時唔捨得又感動嘅眼神，再到晚宴上朋友們嘅歡笑同祝福，你將所有情感片段串連成一個好溫暖、好動人嘅故事。我同屋企人一齊睇片嘅時候，都不期然咁笑咗出聲，跟住又感動到喊，真係好多謝你，幫我哋留低呢啲冇辦法重來嘅時刻。